9.септември 2023 година засекогаш ќе остане врежан во сеќавањето на Енис Барди.
Фудбалерот на Трабзон, прв пат во кариерата ја поведе Македонија на теренот со капитенската лента, а со неговиот гол во 81.минута, Македонија извлече реми против европскиот првак.
15. гол во дресот на националниот тим за Барди беше спектакуларен. Од слободен удар го совлада Џиџи Динарума.
„Треба да веруваме и можеме да направиме големи работи. Ние сме мала држава. Има 11 срца што гинат на терен, и тие што влегуваат во игра. Значи сите што доаѓаме овде мора секогаш да бидеме гладни за победа, како што бевме на овој натпревар. Многу поинаку изгледавме на теренот. Многу разговараме меѓу себе оваа недела. Сега треба да се одмориме и мислам дека ќе бидеме добри и на натпреварот со Малта“, изјави по натпреварот стрелцот на голот за Македонија Енис Барди.
Фото/gazzetta.it