Андреа Барѕаљи откри дека одлучил да си замине од тренерскиот тим на Маурицио Сари и севкупно од Јувентус по само неколку месеци соработка, бидејќи мора да направи „менување на животниот стил“.
Поранешниот дефанзивец на клубот се пензионираше на крајот на минатата сезона, по што се врати во клубот како помошник на Сари во септември. Но, тој самиот признава дека кога продолжиле тренинзите оваа недела, сфатил дека неговото срце не е целосно посветено на спортот.
„Одлучив да направам промена на животниот стил. Ова беше избор од срцето, но не значи дека не беше тешко. Сметам дека е потребно да посветам повеќе време на моето семејство, кое ме поддржуваше во тишина сите овие години. Морам да направам приоритет денеска, на едно семејство пред друго, Јувентус. Секогаш ќе бидам благодарен, но ова е вистинскиот избор“, вели Барѕаљи.
