Даниел Стендел реши да се „опушти“ со неколку чашки текила со навивачите на Барнсли во средата навечер, неколку часа откако англискиот второлигаш го отпушти.
Германецот беше наречен „легенда“ од собраните навивачи откако се најде со нив во пабот „Герисон“ во Барнсли, каде што фановите му приредија неофицијално испраќање од клубот пред враќањето во Германија.
45-годишниот Стендел е популарен кај навивачите откако минатата сезона ги предводеше од третата во втората лига, но во Чемпионшип не му одеше толку добро – тој победи само еден во 11 мечеви досега и 5:1 домашниот пораз во саботата од Престон беше доволен за отказ.
There’s only one Daniel Stendel ?
Never seen a manager care so much for the fans #BarnsleyFC pic.twitter.com/75iyF8k1sw— Rosa (@_rosabroom) October 9, 2019