И покрај обидите да го продадат ова лето, Барселона и Френки де Јонг се пред договор за намалување на платата на холандскиот играч за врска, со што неговата иднина на „Ноу Камп“ станува посигурна, јавува шпанскиот „АС“.
25-годишниот поранешен фудбалер на Ајакс имаше понуди од Манчестер јунајтед и Челси во текот на летото, но постојано изјавуваше дека сака да остане во Барселона. Сепак, поради финансиските проблеми на каталонскиот тим, Барселона бараше да има преговори за условите на неговиот договор поради високата плата договорена под претходниот претседател, Жозеп Марија Бартомеу.