Фудбалскиот клуб Барселона официјално го заврши првиот трансфер во актуелниот преоден рок. Клубот донесе голман кој ќе му биде резерва на Тер Штеген. Во прашање е Бразилецот Нето, доскорешниот прв голман на Валенсија.
Ако добро се погледне целата ситуација Валенсија и Барселона практично извршија размена на голманите.
Валенсија на Барселона пред неколку дена и плати 35 милиони евра за Јаспер Силесен и тој во новата сезона ќе биде прв голман на тимот од „Месталја“. Во спротивен правец замина Нето, а Барса ќе им ги врати парите на колегите од Валнесија, иако не сите.
Валенсија ќе добие 26 милиони евра, а останатите девет милиони се предвидени да бидат исплатени низ разни бонуси.
Поранешниот голман на Фиорентина и Јувентус, со Барселона потпишал договор до 2023 година, а отпусната клаузула изнесува 200 милиони евра.
? Welcome @Neto_Murara! Bem-vindo ??
?? #ReadyToColor pic.twitter.com/gWhMuibLFK— FC Barcelona (@FCBarcelona) June 27, 2019