Top Sport

Facebook Twitter

Барселона го декласираше Реал во рекорден меч за женскиот фудбал на „Ноу Камп“

Фудбал Makfax / 30.03.2022

Мечот од четврт-финалето на Лигата на шампиони помеѓу Барселона и Реал Мадрид постави нов рекорд за посетеност за женски фудбалски меч, на „Ноу Камп“ се собраа 91.553 фанови, кои можеа да уживаат во импресивната 5:2 победа.

Барселона Фемени и така беше блиску до полуфиналето, откако во првиот меч во Мадрид победи со 3:1, но клубот беше посветен да се постави светски рекорд на еден од најубавите стадиони на светот.

Со ова се руши рекордот за клупски женски фудбал од 60.739 фанови кои во 2019 гледаа како Атлетико Мадрид ги победува Барселона со 2:0 на „Ванда Метрополитано“, но и рекордот од 90.195 фанови кои беа присутни на „Роуз боул“ во Пасадена, Калифорнија во финалето на Светското првенство, кога игра САД и Кина.

Барселона Фемени вообичаено своите нтпревари ги игра на скромниот „Јохан Кројф“ стадион во тренинг-центарот на Барселона, но и покрај тоа имаат најдобра просечна посетеност на еден меч во шпанската лига – 2.938 фанови по натпревар.

Scroll to Top