Фудбалскиот клуб Барселона го договорил трансферот на напаѓачот Мемфис Депај. Според новинарот Албер Рохе Лион од трансферот ќе инкасира 25 милиони евра.
Новиот тренер Роналд Куман планира тимот да го гради околу Лионел Меси кој вчера објави дека ќе остане во Барселона. Куман инсистираше партнер во нападот на Аргентинецот да му биде Депај.
Поради Депај Куман го отпиша од тимот најдобриот пријател на Меси, Луис Суарез. Уругваецот се поврзува со неколку клубови, а според медиумите најблиску е до трансфер во Јувентус.