Челниците на Барселона му порачале на Анс Фати (21) дека мора да го напушти клубот ова лето, објави каталонски „Спорт“.
Овој извор тврди дека на Фати му било кажано дека тренерот Ханси Флик повеќе не смета на него и дека ќе мора да бара нов работодавец бидејќи е прескап да биде резерва.
Барселона сака да го продаде, но опција е и позајмица, под услов клубот кој го донесе на позајмица да му ја покрие и бруто плата од 14 милиони евра годишно. Тој се споменува во контекст на трансфер во бројни шпански клубови, но интерес има и од Турција.
„Марка“, пишува дека Мурињо лично стапил во контакт со клубот и се распрашал за условите за негово доведување во Фенербахче.
Фати кој игра на позицијата лево крило, а е корисен и во средниот ред и во нападот, не така одамна го нарекуваа „новиот Меси“.
„Трансфермаркт“, пред три години го вреднуваше на 80 милиони евра, а денес по бројните повреди вреди 25 милиони.
Минатата сезона одигра 19 првенствени натпревари како позајмен во Брајтон, но со просек од само 27 минути. Тој постигна два првенствени гола. Тој е под договор со Барселона до летото 2027 година.