Андрес Иниеста по завршувањето на сезоната ќе замине од Барселона. Легендарниот играч ќе се пресели во Кина, а клубот започна да ја бара неговата замена.
Како што пишуваат италијанските и шпанските медиуми, Барселона го следи пазарот, а скаутите веќе го заокружиле името на 25-годишниот фудбалер на Лацио, Луис Алберто.
It’s reported #Barcelona want #Lazio’s Luis Alberto as a replacement for Andres Iniesta this summer. https://t.co/iclXKb6REH #FCB pic.twitter.com/QXGjNIWh3k
— footballitalia (@footballitalia) April 17, 2018
Алберто, зад себе има брилијантна сезона (10 гола и 16 асистенции) и е еден од најзаслужните што Лацио има шанси наредната сезона да игра во Лигата на шампионите.
Шпекулациите говорат дека Барселона би можела да го добие овој фудбалер за сума од 30 милиони евра.
Луис Алберто во кариерата бил дел од Барселона, но најдалеку стигнал до Барселона Б екипата, а пред да пристигне во Лацио, играч за Севилја, Малага и Депортиво Ла Коруња.