Монца на Силвио Берлускони, почна со засилувањата по влегувањето во италијанската Серија Б, праќајќи приватен авион да го „собере“ хрватскиот напаѓач на Осиек, Мирко Мариќ.
25-годишниот Мариќ имаше 20 гола во 40 меча за Осиек оваа сезона и има два настапи за хрватската репрезентација, но и настапи во јуниорските тимови на Босна и Херцеговина. Според „Скај спорт“ Италија договорот е вреден 4.5 милиони евра, што претставува огромна сума за поголемиот дел од италијанските второлигаши.
Монца влегоа во Серија Б како дел од новиот проект на Силвио Берлускони и Адријано Галијани, со амбиции веднаш да се избори пласман и за елитата. Берлускони над 30 години беше на чело на Милан, во најславните денови за „росонерите“.
? #Maric è atterrato a Milano, pronto per iniziare la sua nuova avventura con il #Monza ⚪? pic.twitter.com/AmjcdmQ0ES
— Daniele Longo (@86_longo) August 7, 2020