Серхио Каналес го продолжи договоорт со Бетис. Офанзивецот од редот за врска на „Бенито Виљамарин“ ќе остане до 2026 година. Новиот договор ја покажува желбата на 30-годишникот, кариерата да ја заври во Бетис.
Каналес кариерата ја започна во Расинг Сантандер, беше означен како голем талент на шпанскиот фудбал, но честите повреди не дозволија кариерата да му се одвива во проектираната насока.
На 19-годишна возраст потпиша договор со Реал Мадрид, потоа играше во Валенсија и Реа Сосиедад.
Каналес е еден од најважните играчи во тимот на Бетис. Тимот игра одлично од почетокот на сезоната, во Примера се наоѓа на третото место и се избори за место во нокаут-фазата во Лига Европа.
Поради исклучително добри партии не е изненадување што доби нов договор, изненадување е откуната клаузула во договорот. Секој што сака да го добие Каналес ќе мора да плати 1.000.000.000 евра.
Ваква клаузула во договорите имаат големите таленти на Барселона, Педри и Ансу Фати.
Реалноста е поинаква, според „Трансфермаркт“, Каналес на фудбалскиот пазар има вредност од 20.000.000 евра.