Македонскиот прволигаш Брегалница паузата поради активностите на националните репрезентации ќе ја искористи да одигра пријателски натпревар пред продолжението од шампионатот во Првата македонска фудбалска лига.
Штипските „сини“ договорија пријателски натпревар со бугарскиот прволигаш Пирин Благоевград кој ќе се одигра в сабота (24. септември) со почеток од 15 часот по македонско време на стадионот „Христо Ботев“ во Благоевград.
Тоа ќе биде уште една можност за шефот на стручниот штаб Илчо Ѓорѓиоски за проверка и на играчите кои се со помала минутажа низ првенствените дуели, но и за одржување на натпреварувачкиот ритам на составот.