Фудбалерите на Јужна Африка го освоија третото место на Африканскиот куп на нации (КАН). Во малото финале, по изведувањето пенали тие го победија ДР Конго со 6:5. Натпреварот во регуларните 90 минути и по продолженијата заврши без голови.
Првиот пенал во јужноафриканскиот тим го промаши Тебохо Мокоена, по што погодија Нкосинати Сибиси, Табанг Номаре, Обри Модиба, Закеле Лепаша, Освин Аполис и Сијанда Ксулу.
Самуел Мутусами, Оменике Мфулу, Седрик Бакамбу, Јорис Кајембе и Жоан Виза ги постигнаа головите во тимот на Конго, а непрецизни беа Шансел Мбемба во петтата серија и Мешак Елија во седмата серија.
Домаќините на натпреварувањето, Брегот на Слоновата Коска и Нигерија, вечерва од 21 часот ќе се борат за титулата на КАН.