Иако вообичаено е еден од подобрите во бледиот тим на Манчестер јунајтед, Бруно Фернандеш имал ноќ за заборав во Истанбул, откако дури 34 пати ја загубил топката при 2:1 поразот од Башакшехир.
Португалецот од пристигнувањето во јануари е несомнено еден од најдобрите во составот на Оле Гунар Солскјер, но на „Фатих Терим“ тој имаше мизерна партија, со само еден удар на голот и 34 загубени топки, само нешто над 73 отсто успешни додавања и ниту една креирана шанса.
Овој натпревар доаѓа само неколку дена откако поранешниот помошник на Сер Алекс Фергусон, Стив Мекларен изјави дека „нешто не е во ред со Португалецот“.
„Го гледам Бруно Фернандеш и се гледа дека е разочаран. Разочаран е што е тргнат од средината и е поставен на десната страна. Се виде и против Њукасл и против Арсенал. Јазикот на телото покажува дека не е доволно вклучен во игра. Со игра на десната страна, не влијае на мечевите“, изјави во неделата Мекларен.
Bruno Fernandes vs Basaksehir:
73.8% pass accuracy
63.5% final third passes completed
34 times he lost possession
1/4 shots on target
7/14 long balls completed
0/6 crosses completed
0 chances created#IBFKMUN— StatmanBains (@StatmanBains) November 4, 2020