Чави Ернандез признава дека поранешниот тренер на Барселона, Пеп Гвардиола останува клучен човек во неговата тренерска кариера, но додава дека не сака да се споредува со „најдобриот на светот“.
Слично како Гвардиола, и Чави беше тренер на Блискиот Исток пред да се врати во Барселона како главен тренер. И покрај потпросечната прва сезона на чело на гигантот од „Ноу Камп“, оваа сезона 43-годишниот Шпанец го трансформираше тимот и сега има 13 поени предност пред Реал Мадрид и се на чекор од прва титула од 2019 година. И покрај ова, тој признава дека најдобриот на светот е Пеп.
„За мене Гвардиола останува најдобриот на светот, тој е брилијантен човек. Од почетокот до сега, тој е број 1. Навистина не сакам да се споредувам со него, бидејќи јас само што почнав со мојата работа. Се надевам дека еден ден ќе го достингам неговото ниво на успех, но не за мене, туку за Барселона“, вели Чави.
Чави и Гвардиола ја освоија титулата 1998/99 во Ла лига како соиграчи, но главната соработка беше како тренер и играч, освојувајќи три титули од Ла лига и две од Лигата на шампионите во доминатниот период од 2008 до 2012 година.