Поранешниот фудбалер на Арсенал, Чуба Акпом се врати во англискиот фудбал, откако потпиша тригодишен договор со второлигашот Мидлзборо, пристигнувајќи од грчкиот ПАОК.
24-годишниот Акпом постигна 14 гола во 54 настапи за грчкиот клуб, со кој ја освои првата грчка титула по 34 години во 2018/19.
Акпом беше продукт на академијата на „топчиите“, но имаше само четири одиграни мечеви за првиот тим, откако беше позајмуван на Брентфорд, Ковентри, Нотингем форест, Хал, Брајтон и на белгискиот Синт Труиден, пред во 2018 да се пресели во ПАОК. Мидлзборо ќе биде неговиот деветти клуб.
„Му кажав за нашите планови со клубот и тој веднаш сакаше да дојде. Презадоволен сум што ќе биде дел од нашиот тим,“ вели тренерот на Боро, Нил Ворнок.
.@cakpom has his #Boro shirt, do you have yours? ?
Free 'AKPOM ?' printing on all new shirt purchases this weekend! Available online, or in-store for today's match ticket holders #UTB https://t.co/a9wBivZyPS
— Middlesbrough FC (@Boro) September 19, 2020