Дарко Чурлинов нема да биде дел од фудбалската репрезентација на Македонија на квалификациските натпревари против Украина и против Англија. Тој е хоспитализиран во Белград поради сепса, а здравствената состојба му се влошила по интервенција на забите.
„Дарко Чурлинов е во болница во Белград, а засега и докторите сѐ уште ја утврдуваат неговата здравствена состојбаа. Имал внатрешно труење, не се знае дали е последица од проблеми со забите или поради анестезија при интервенција. Познавајќи го каков борец е Дарко, верувам дека многу брзо ќе излезе од болница, а добро е што најлошите денови се зад него“, изјави селекторот за состојбата на Дарко Чурлинов.