Американската фудбалска ѕвезда Алекс Морган доби огромен број на пофалби, но и критики откако го објави своето последно видео на кое тренира иако е во деветти месец на бременоста.
30-годишната Морган, двократна светска шампионка со САД, заедно со сопругот Сервандо Караско го очекува своето прво дете (девојче) овој месец, но тоа не ја спречува да оддржува стриткна и напорна тренинг-рутина, која секогаш ја споделува на социјалните мрежи.
„Гаражна работа овој ден. Останете дома и останете мотивирани“, напиша Морган.
Поголем дел од коментарите на нејзините фанови ја фалат како инспирација за сите мајки и бремени жени, но некои од нив беа загрижени дали таа би требало да тренира толку напорно во толку напредната бременост.