Корисноста на Дани Алвеш за секој тим не може да се потцени. Бразилецот ја игра својата втора сезона во Пари Сен-Жермен откако дојде со слободен трансфер летото 2017 година, и сега официјално има играно на сите позиции за францускиот шампион.
Бразилецот, секако, најдобар е на својата позиција во одбраната, но неговиот квалитет значеше дека тој играше и понапред како крило, а понекогаш и како напаѓач. Неодамна, поради повредата на Марко Верати, поранешниот фудбалер на Јуве и Барса играше и во средината на теренот, а минатата сезона ги облече и голманските ракавици против Сошо во Францускиот куп.
Wait is that Dani Alves playing goalkeeper for PSG???!! pic.twitter.com/lnXnUUbr9g
— Goal UK (@GoalUK) February 6, 2018
Во 90. минута од 4:1 победата над Сошо, голманот Кевин Трап доби црвен картон и без замени, Алвеш, и покрај своите 172 сантиметри се најде меѓу диреците и успеа да не прими гол, а посебно интересно беше неговото одредување на живиот ѕид.
35-годишниот Алвеш, откако лани ја освои домашната тројна титула во Франција сега има неверојатни 38 трофеи во кариерата како најуспешниот активен фудбалер на светот.
Dani Alves est le seul joueur de l’histoire du #PSG à avoir évolué à tous les postes (Gardien, défenseur, milieu, attaquant).
A 35 ans le Brésilien se montre toujours aussi efficace, sérieux et généreux dans l’effort. Ce n’est pas le joueur le plus titré de l’histoire pour rien. pic.twitter.com/EWVlFucauz
— Le Meilleur du PSG (@LMDPSG) January 27, 2019