Поранешниот хрватски фудбалер Дарио Срна привремено ќе го предводи тимот на Шахтјор, откако холандскиот тренер Патрик Ван Левен доби отказ, потврди украинскиот клуб.
„Тимот привремено ќе го води спортскиот директор на клубот Дарио Срна“, се вели во соопштението на Шахтјор.
Ван Левен доби отказ по три месеци на клупата на Шахтјор. Во овој период забележа седум победи, три нерешени и два порази.
Срна за Шахтјор играше 15 години и забележа 536 настапи и постигна 49 голови, а со клубот од Доњецк освои 26 трофеи.
Во јуни 2020 година, поранешниот хрватски репрезентативец и долгогодишен капитен на Хрватска стана спортски директор на Шахтјор.