Кевин де Бројне нема да оди на операција на повреденото колено, но ќе биде во аут три месеци, потврди англискиот шампион Манчестер сити.
„Граѓаните“ потврдија дека Белгиецот ги оштетил задните лигаменти на десното колено, истото кое го повреди во полуфиналето од Лига купот против Евертон во 2016, по што пропушти 12 натпревари.
„Нема да биде потребна операција и фудбалерот од средниот ред ќе треба да се врати на терените за три месеци“, објавија Манчестер сити.
Де Бројне одигра половина час во 2:0 победата над Арсенал во неделата, откако лани имаше 8 гола и 16 асистенции како еден од клучните фудбалери на Пеп Гвардиола во рекордната сезона на Сити.
We can confirm @DeBruyneKev has suffered a lateral collateral ligament (LCL) lesion in his right knee.
No surgery is required, and the midfielder is expected to be out for around three months.
Get well soon, KDB! #mancity pic.twitter.com/hozcvnF8BX
— Manchester City (@ManCity) August 17, 2018