Маурисио Покетино пет години го предводеше Тотенхем, имаше можност да го тренира Хари Кејн, меѓутоа не смета дека напаѓачот е меѓу тројцата најдобри играчи во Премиерлигата.
Покетино нема дилема дека најдобрите двајца во Премиерлигата се играчи на Манчестер сити.
„Де Брујне е број 1, Агуеро број 2“, рекол Покетино и продолжил.
„Не знам кој е зад нив. Можеби Роберто Фирмино? Тука има уште сто играчи за кои можеме да разговараме“.
Кевин Де Брујне од 2015 година е играч на Манчестер сити. Досега не ја добил наградата за играч на сезоната.