Кевин Де Брујне по триумфот над Вулверхемптон (3:1) говорел за својот поранешен соиграч Давид Силва. Шпанецот една деценија го носеше дресот на Манчестер сити, од оваа сезона тој игра за Реал Сосиедад.
Со заминувањето на Силва Белгиецот остана единствен вистински креативец во редот за врска на Манчестер сити. Тој вели дека клубот тешко може да го надомести заминувањето на Силва.
„Давид Силва е фантастичен фудбалер, тој беше најзначајниот играч во тимот. Јас не можам да го надоместам она што го правеше тој за овој тим. Ќе биде тешко да се надомести неговото заминување. Беше важен играч на теренот и надвор од него“, рекол Белгиецот.