Манчестер јунајтед не успеа да импресионира на гостувањето на „Рамон Санчез Писхуан“, но на крајот извлече позитивни 0:0 против Севилја во првиот меч од осминафиналето на Лигата на шампионите.
„Ѓаволите“ имаа среќа што на голот го имаа фантастичниот Давид де Хеа, кој посебно блесна во првото полувреме и е најзаслужен што тимот на Жозе Мурињо не си замина со пораз пред реваншот.
Откако го навлече бесот на навивачите оставајќи го Пол Погба на клупата, Мурињо бргу требаше да ја менува тактиката, откако по 13 минути игра се повреди Андер Ерера, и Французинот, со кого Мурињо имаше неколку конфликти доби шанса за игра.
No other keeper in the world saves this. The shock on Correa’s face when he sees De Gea saved it says everything here. pic.twitter.com/xfQ4cPz9AU
— The Man Utd Way (@TheManUtdWay) February 21, 2018
И покрај Погба, Јунајтед имаа помал посед на топката во првото полувреме и тимот на Винченцо Монтела беше поопасен во нападот. Рамнотежата се врати во второто полувреме, но и тоа не беше доволно за победа, откако голот на Ромелу Лукаку беше поништен поради фаул.