Претседателот на Наполи Аурелио де Лаурентис е еден од ретките клупски челници кој отворено ја поддржа европската Суперлига. Само тој и претседателите на реал и Барселона, вчера беа задоволни од одлуката на Европскиот суд, кој пресуди во спорот со ФИФА и УЕФА, пресуди во корист на Суперлигата.
Де Лаурентис рече дека пресудата на Европскиот суд на правдата е преседан во историјата на фудбалот и дека тој веднаш би формирал елитна италијанска лига, која би им донела многу пари на учесниците.
„Се сретнав со претседателот на Реал Флорентино Перез и се договоривме дека треба да разговараме со други претприемачи за нашите идеи. Фудбалот го водат стари луѓе без визија. Фудбалот е бизнис и тој мора да расте. Јас инвестирам милиони за да се натпреварувам во циркус од кој добивам трошки. Тоа ме тера да се коцкам и уште повеќе да вложувам во проект кој не се исплати.
Италијанската лига има повеќе клубови од претходно, но приходите се намалени. Веднаш би ја започнал Е лигата. Буквата Е значи елита. Ќе се натпреваруваат само клубови со голем број навивачи, вкупно 14. Навивачите би ги избрале клубовите кои би се натпреварувале во таа лига. Стадионите би биле преполни, како во затворената лига на НБА“, изјави Де Лаурентис во интервју за „Кориере дело спорт“.