По ремито 1:1 со Интер, во Милано, Наполи ја задржа лидерската позиција на табелата во Серија А. Капитенот на Наполи, Џовани Ди Лоренцо изјави дека само тие во цела Италија верувале дека можат на ваков начин да ја започнат сезоната.
Дефанзивецот инсистираше дека никој не очекуваше дека неговиот клуб ќе биде на врвот на табелата по 12 кола, особено дека ќе останат непоразени на гостувањата кај Милан, Јувентус, а сега и Интер.
„Никој не очекуваше дека ќе успееме да избиеме на врвот на табелата во оваа фаза, но тоа го направивме и многу сме среќни поради тоа. Ваквата состојба на табелата е само дополнителен поттик да продолжиме да работиме“, изјави Ди Лоренцо за DAZN по натпреварот.
Наполи играше добро на тешки гостувања, единствен кикс им е тешкиот пораз од Аталанта на домашен терен (0:3).
Мило ми е што ја завршивме оваа тешка серија на натпревари и ја задржавме челната позиција. Се подобривме во однос на зрелоста, бидејќи по тој болен пораз на домашен терен, успеавме да најдеме сила, да се кренеме и сега на ова најтешко гостување останавме непоразени. Ова е знак за силен тим, а ние не сме ни на половина од сезоната. Мислам дека ќе продолжиме да се подобруваме“, изјави Ди Лоренцо.