Украинскиот фудбалер Михаило Мудрик дојде во Челси како сензационално засилување пред шест месеци, но би можел да си замине по завршувањето на сезоната. Клубот од „Стемфорд бриџ“ плати огромни пари за него, но тој речиси и да не покажа ништо од својот потенцијал во вториот дел од сезоната во Премиерлигата.
Во Челси веќе размислуваат да го продадат и тоа може да се случи ова лето.
Лондонскиот клуб го ангажираше Михаило Мудрик за сума од 70 милиони евра во јануарскиот преоден рок. Играчот беше желба и на Арсенал, но раководството на Челси не штедеше средства да го доведе. Сепак, сега анализирајќи го неговиот ефект, размислуваат за експресна продажба.
Мудрик започна само шест првенствени натпревари како стартер во Челси од јануари и имаше еден настап во Лигата на шампионите. Нема постигнато ниту еден гол, а забележа две асистенции.