Двајца фанови на репрезентацијата на Панама се заблагодарија на гостопримството на руските навивачи со банер на руски со благодарност за хачапури, традиционалното грузиско јадење кое е супер-популарно и во Русија.
Дејвид и Луиз на банерот напишаа: „Благодарам Русија, од нашите срца, Панама“, а ова беше надополнето со хеш-тег, „сакам хачапури“. Хачапури инаку е јадење налик на македонската пастрмајлија, но наместо со месо, тестото е полнето со сирење и со јајце.
„Откако сме во Русија сите се одлични со нас. Беше посебно да се биде во Русија, а исто така се заљубивме во хачапури. Бевме на двата натпревари. Сочи и Нижниј Новгород, а ја посетивме и Москва. Но, сега мораме да одиме дома, бидејќи сме на работа. Ова ќе го носиме со нас целиот живот“, вели Дејвид.
И покрај поразот од Англија од 6:1, Дејвид и Луис велат дека еден ден ќе ја победат Англија.
„Ќе дојде време кога ќе играме со Англија и нема да им биде вака лесно. Истото беше и со САД. Пред 10 или 15 години само губевме од нив, а сега сме наместо нив на Мундијалот“, вели Дејвид.
Best friends & Panama fans David and Luis, who made a banner with ‘Thank you Russia from our hearts’ getting all the necessary attention outside the ground (from the women, not from me) #Pan #WorldCup pic.twitter.com/YyVDUdU3E9
— Danny Armstrong (@DannyWArmstrong) June 24, 2018