Рускиот репрезентативец Алан Дзагоев нема да настапи на претстојните два натпревари што Русија ќе ги одигра на светското првенство.
Напаѓачот на ЦСКА Москва, го повреди бутниот мускул, на премиерниот натпревар на СП помеѓу Русија и Саудиска Арабија (5:0).
Дзагоев во тимот ќе се врати наредниот понеделник.
„Немам добри вести. Се надевам дека ќе добијам уште една шанса да заиграм на СП и дека мојата репрезентација ќе избори пласман во осмина-финалето“, рекол рускиот репрезентативец.
Дзагоев во кариерата има одиграно 58 натпревари за Русија, тој требаше да биде еден од клучните играчи на „зборнаја“ на ова СП.
Русија во второто и третото коло, во А-групата, ќе игра против Египет и Уругвај.