Еден Азар се збогувал со своите поранешни соиграчи од Челси со порака во групниот чет на Ватсап, открива Емерсон. Бразилскиот бек за „ЕСПН“ открива дека неговата порака уште е последната во групниот чет.
„Во таа Ватсап група, последниот момент беше збогувањето на Азар. Им кажа збогум на момците и тоа е последното нешто што го знаеме. Чудно. Тој прати порака: ’Ви благодарам, ве сакам момци’ и потоа само пишуваше: ’Еден Азар ја напушти групата’. Тогаш сфатив дека навистина заминал“, вели Емерсон.
Азар се приклучи на Лука Јовиќ, Родриго, Едер Милисао и Ферлан Менди како ново засилување на Реал Мадрид, изјавувајќи дека го остварува сонот од детството.