Египетската фудбалска федерација (ЕФА) побара објаснување од ФИФА зошто нивните гласови за Мохамед Салах за најдобар фудбалер оваа сезона „исчезнале“, а самиот Салах ја зголеми борбата со сопствената национална федерација, бришејќи го споменувањето на Египет од својот Твитер профил.
„Што и да направат да ја уништат мојата љубов кон Египет, нема да успеат“, напиша Салах.
Од ЕФА тврдат дека селекторот Шаки Гариб и капитенот на репрезентацијата Ахмед Елмохамади ги дале своите гласови за Салах и бараат објаснување од ФИФА. Секоја членка на ФИФА имаше три гласа за наградата, капитенот, федерацијата и еден претставник од медиумите.
Ова не е првпат Салах да влезе во конфликт со сопствената федерација, откако сметаше дека федерацијата бесправно го користи неговиот лик за комерцијални права.
مهما حاولوا يغيروا حبي ليكي ولناسك مش هيعرفوا❤️❤️❤️ pic.twitter.com/CgM7w1xKXY
— Mohamed Salah (@MoSalah) September 24, 2019