Еибар веќе пет години е во Ла лига, натпреварувајќи се со најголемите шпански клубови и иако секогаш се блиску до зоната за испаѓање, тие можат да се сметаат за „мајстори“ за трансфери со малку пари, засилувајќи го тимот без многу средства.
Тренерот Фран Гарагарза знае како да добие фудбалери евтино, понекогаш и бесплатно, а да ги продаде за добра заработувачка. Кеко Гонтан, Серхи Енрих, Флоријан Лежеун, Иван Алехо, Рубен Пења и Марко Дмитровиќ дојдоа во Еибар од клубови од Сегунда, и додека Енрих, Дмитровиќ и Пења остануваат ’рбетот на тимот, останатите заминаа за вкупна сума од 19 милиони евра, додека нивното ангажирање го чинеше клубот само 1.8 милиони евра.
Гонтан дојде бесплатно во клубот и замина за 5 милиони евра подоцна во Малага. Лежеун се приклучи на Еибар за само 1.5 милиони евра, за една година подоцна Њукасл да плати 10 милиони евра, но рекордер е Жоан Жордан, кој го добија за 1.5 милиони евра, а го продадоа на Севилја за 12 милиони евра. Вкупно, Еибар се засили со 16 фудбалери од Сегунда во последните пет години.