Андерсон Луис де Абреу Оливеира, попознат како Андерсон, поранешниот фудбалер на Манчестер јунајтед, е обвинет за сериозни криминални дејствија во неговата татковина – грабеж, организиран криминал и перење пари.
Андерсон пристигна на „Олд Трафорд“ од Порто во 2007 година за 30 милиони евра, но не ги исполни големите очекувања, по што играше за Фиорентина, Интернасионал, Гремио и Адана. Тој беше обвинет од судот во бразилската провинција Рио Гранде до Сул, но неговиот адвокат, Жулио Сезар Коитињо тврди дека поранешниот фудбалер е жртва.
„Не сме повикани на суд, така што нема за што да се зборува. Има истрага, Андерсон е свесен за тоа, но на крајот ќе докаже дека тој е жртвата, а не криминалец“, вели Коитињо.
Според обвинението, групата во која бил член Андерсон, влегла во системот на банката „Сантандер“ и украле 35 милиони бразилски реали (6 милиони евра) од металуршката компанија „Гердау“. Тие направиле 11 трансфери на пари во четири различни бразилски провинции, а потоа купувале криптовалути. Андерсон бил делумен сопственик во компанијата која го договарала купувањето криптовалути. Според „ЕСПН“, Андерсон е во Турција и ако си замине од државата ќе биде уапсен, а сите негови сметки се блокирани во Бразил.
Aqui os detalhes da denúncia contra o ex-jogador do @Gremio @SCInternacional @CBF_Futebol @ManUtd por desvio de R$ 35 milhões. @gzhdigital @EsportesGZH https://t.co/awMLs4DG2o
— Eduardo Matos (@_eduardomatos) August 20, 2021