Севилја утре нема да ја пречека Рома во првиот осмина-финален натпревар во Лига Европа. Италијанскиот клуб преку социјалните мрежи извести дека не добиле дозвола нивниот авион да слета во Шпанија.
Поради коронавирусот и епидемијата што владее експедицијата на Рома нема да се појави во Севилја. Од клубот известија дека повеќе детали ќе соопштат од УЕФА во текот на денот.
Италијанските граѓани добија препорака од властите доколку немаат потреба од излегување надвор да останат во своите домови.
Бројот на смртни случаи во оваа држава од коронавирусот е 631, а министерството за здравство информира дека заразени биле 10.149 лица.
?Breaking news: #ASRoma will not travel to Spain for the @EuropaLeague match against @SevillaFC_ENG after the plane from Italy was not authorised to land in Spain. More details from UEFA soon. pic.twitter.com/vnVmJLkeRC
— AS Roma English (@ASRomaEN) March 11, 2020