Фудбалскиот клуб Евертон конечно ги потврди медиумските шпекулации дека Карло Анчелоти е нов шеф на стручниот штаб. Трофејниот Италијанец на „Гудисон“ дојде на местото на Марко Силва.
Анчелоти со „карамелите“ договорил четири и пол годишна соработка. Иако финансиските детали од договорот не се објавени, Англичаните тврдат дека тој ќе заработува четири милиони евра по сезона.
✍️ | Benvenuto, @MrAncelotti! ? #WelcomeMrAncelotti
— Everton (@Everton) December 21, 2019
Италијанецот, кој неодамна доби отказ во Наполи, ќе го следи денешниот натпревар помеѓу Евертон и Арсенал, а од утре официјално ќе ја преземе функцијата.
Анчелоти во кариерата освоил 18 трофеи, освојувал шампионски титули во Италија (Милан), Англија (Челси), Франција (ПСЖ) и Германија (Баерн). Два пати со Милан и еднаш со Реал Мадрид победил и во Лигата на шампионите.