Шпанската фудбалска репрезентација остана „совршена“ и по петтото коло во квалификациите за Европското првенство во 2020 година, додека Финска со 1:0 ја победи Грција и дојде на чекор до прв пласман на едно големо натпреварување и во исто време драстично ги намали шансите на Грците.
Серхио Рамос во 29. минута беше прецизен од белата точка да донесе водство на „фуријата“ во Букурешт, а Пако Алкасер во 47. минута зголеми на 2:0. Сепак, домаќините во 59. минута намалија на 1:2 преку Флоријан Андоне по што имаше тензичен финиш на мечот, во кој Дани Карвахал доби црвен картон во 79. минута. Романците ги очекува тесна битка со Шведска и Норвешка (кои денеска имаа убедливи победи) за второто место во групата.
Финска, пак, успеа со голот од пенал на Тему Пуки да ја совлада Грција со 1:0 и изненадувачки да биде најблизок конкурент на Италија во груапта Ј. Италија има 15 поени, Финска 12, додека Босна и Херцеговина е трета со 7 откако со 5:0 го победи Лихтенштајн. Грците се само петти со 4 поени.
ЕВРО 2020, КВАЛИФИКАЦИИ
ГРУПА Д
Гибралтар – Данска 0:6
Ирска – Швајцарија 1:1
Табела: 1.Ирска 11, 2.Данска 8, 3.Швајцарија 5, 4.Грузија 3, 5.Гибралтар 0
ГРУПА Ј
Ерменија – Италија 1:3
Босна и Херцеговина – Лихтенштајн 5:0
Финска – Грција 1:0
Табела: 1.Италија 15, 2.Финска 12, 3.БиХ 7, 4.Ерменија 6, 6.Грција 4, 5.Лихтенштајн 0
ГРУПА Ф
Фарски Острови – Шведска 0:4
Норвешка – Малта 2:0
Романија – Шпанија 1:2
Табела: 1.Шпанија 15, 2.Шведска 10, 3.Норвешка 8, 4.Романија 7, 5.Малта 3, 6.Фарски Острови 0