Поранешниот дефанзивец на италијанската фудбалска репрезентација Фабио Канаваро ќе биде нов тренер на Караѓумрјук, тврдат турските медиуми.
Деталите се договорени на средбата меѓу претставници на турскиот клуб и италијанскиот стручњак, а официјалното потпишување на договорот ќе се случи во наредните денови.
Претходно тренер на турскиот тим беше уште еден Италијанец, Андреа Пирло. Тој го напушти клубот во мај, а од новата сезона ќе ја предводи Сампдорија.
Последната работа на Канаваро беше во тимот на Беневенто, кој го напушти во февруари оваа година. Претходно работеше со Гвангжу Евергранде, Ал-Наср, Тијанџин и со кинеската фудбалска репрезентација.