Фудбалерот на Арсенал, Фабио Виеира, смета дека неговиот стил на игра е сличен на стилот на славниот Аргентинец, Лионел Меси.
Младиот 22. годишен Португалец летово од Порто пристигна во Арсенал во трансфер вреден 35 милиони евра (плус пет милиони бонуси).
Сезонава полека се навикнува на новиот клуб и лига. За клупскиот сајт тој даде големо интервју во кое зборуваше за бројни термини: како се снашол во Лондон, за новите соиграчи, но и за фудбалерите кои имале најголемо влијание на неговата досегашна кариера.
„Тоа се два аса, Кристијано Роналдо и Лионел Меси. Роналдо не затоа што е Португалец, туку како некој кој навистина ги инспирира другите со својот став. Фактот што како момче мораше да го напушти семејството, неговата комфорна зона за да потпише договор со Спортинг и да изгради таква кариера е инспирација за сите. Ми се допаѓа Меси бидејќи неговиот стил на игра ме потсетува на мојот. Сличен сум на Меси и го ценам начинот на кој тој игра“, изјави Фабио Виеира.
Фабио Виеира се уште се нема изборено за место во стартниот состав во тимот на Арсенал. Тој одигра седум натпревари во Премиер лигата, но само еднаш го започна натпреварот од првата минута. Постигна еден гол во победата над Брентфорд (3:0). Во Лига Европа ги започна сите пет натпревари и постигна гол на дуелот со Боде/Глимт (3:0).