Сеск Фабрегас сигурно во актуелниот преоден рок ќе го напушти Челси. Прашањето е само каде 30-годишниот фудбалер ќе ја продолжи кариерата. Интерес за неговите услуги имало кај Милан и Манчестер сити, меѓутоа тој многумина ќе изненади со изборот на новиот тим.
„Лекип“, во средата, објави дека Фабрегас го договорил условите околу трансферот во Монако, каде тренер е неговиот поранешен соиграч од Арсенал и Барселона, Тиери Анри. Фабрегас со екипата од „малото кнежевство“ би требало да потпише две и пол годишен договор.
За трансферот на Фабрегас, Монако, треба да издвои околу 10 милиони евра.
