Антонио Конте ќе биде новиот тренер на Тотенхем, тврди експертот за трансфери, новинарот Фабрицио Романо.
Конте, ја освои шампионската титулата со Интер во Серија А, а поради несигласувањата со челниците реши да си поднесе оставка.
Романо пишува дека во Тотенхем го очекува голем и амбициозен проект. Газдата на Тотенхем, Даниел Леви, му ветил дека ќе вложи пари во нови трансфери. Прв соработник на Конте би требало да му биде Фабио Паратичи, кој би станал спортски директор.
Антонио Конте, во Премиер лигата, го предводеше Челси од 2016 до 2018 година. Во 2017 година Конте со Челси ја освои титулата во Премиер лигата.