Сер Алекс Фергусон е најголемиот тренер во историјата на Манчестер јунајтед. Шкотланѓанецот помина 27 години на „Олд Трафорд“ и освои 13 првенствени титули, две ЛШ и девет домашни купови.
Сер Алекс се пензионираше во 2013 година со шампионска титула во Премиер лигата. Оттогаш, „црвените ѓаволи“ неуспешно се мачат да го повторат неговиот успех, за девет сезони освоија само три трофеи.
Но, според Патрис Евра, работите можеле да бидат многу поинакви. Поранешниот лев бек рече дека историјата можела да биде многу поинаква доколку раководството на Јунајтед го послушале Шкотланѓанецот.
„Две недели пред крајот на првенството во 2013 година, се сеќавам дека Фергусон дојде кај мене и ми рече: „Патрис, гледам дека медиумите пишуваат дека ќе заминам. Но, верувај ми, јас ќе бидам тука уште десет години.“ Фергусон ми рече дека мораме повторно да ја освоиме Лигата на шампионите и за тоа му требаат двајца играчи: Кристијано Роналдо, кој тогаш беше во Реал и Герет Бејл кој играше во Тотенхем. Му требаа околу 200 милиони фунти, но бордот на Јунајтед не се согласи со тоа“, изјави Французинот за „Betfair“.