Светската фудбалска федерација (ФИФА) и Европската фудбалска унија (УЕФА), испратле писмо до Фудбалската федерација на Македонија (ФФМ), во кое пишува дека статутарни промени и усогласувања со Законот за спорт треба да има, но тие ќе треба да се случат по изборите во ФФМ.
Минатата недела Агенцијата за млади и спорт отвори „фронт“ со ФФМ. Тие сметаат дека клубовите треба да го имаат мнозинството на делегати во Собранието на ФФМ. Според Агенцијата за млади и спорт, Статутот на ФФМ не е усогласен со законот за спорт.
„Во насока на нашата постојана комуникација, ФИФА и УЕФА ја подржуваат Фудбалската федерација на Македонија, Статутот да биде предмет на разгледување целосно откако ќе се одржи изборното Собрание на ФФМ и ќе биде избран новиот Управен одбор.
Согласно праксата на добро раководење, ФИФА и УЕФА силно препорачуваат нивните членки да не прават промени во нивните статути пред одржување на изборите, туку само потоа.
Иако датумот на изборното Собрание сеуште не е утврден, веруваме дека истото ќе се одржи навремено и во разумен рок. Целта на ревизијата на Статутот на ФФМ не е само во насока на усогласеност на истиот со Статутите на ФИФА и УЕФА, туку и во насока на усогласеноста со националното законодавство.
Веруваме дека ФФМ може да организира изборен процес независно и без влијание“, стои во писмото кое е потпишано од генералните секретари на ФИФА и УЕФА, Фатма Самура и Теодор Теодоракис.
