Фиорентина го договори првото засилување за јануарскиот преоден рок. Жител на Фиренца, од јануари, ќе стане Жонатан Иконе. 23-годишниот фудбалер минатата сезона со Лил ја освои титулата во Лига 1.
Медиумите во Италија и Франција, тврдат дека Фиорентина и Лил го договориле трансферот. „Виола“ за Иконе ќе плати 15.000.000 евра.
Иконе кариерата ја започна во младинскиот тим на ПСЖ, поради жестоката конкуренција го напушти Париз пред две години и се пресели во Лил.
Иконе треба да биде наследник на ветеранот Хосе Каљехон.
Оваа сезона постигнал еден гол и забележал една асистенција. Пред две години го забележа дебито за француската репрезентација.