Елиф Елмас, предвреме го завршил вчерашниот тренинг на Наполи. Како што пишува „Кориере дело Спорт“, тренерот Џенаро Гатузо, го избркал од тренингот репрезентативецот на Македонија.
Според овој извор, Гатузо, не бил задоволен од залагањето на Елмас, порад што порано го испратил во соблекувалната.
И покрај тоа што Елмас, не го завршил тренингот, „Кориере дело Спорт“, најавува дека Елмас ќе биде во ростерот за утречниот натпревар со Лацио.
Инаку, ова не му е прв пат на Гатузо, да отстрани фудбалер од тренинг поради незалагање. Во минатото тоа им се случило на Алан, Гулам и Марио Руи.