Германската фудбалска федерација (ДФБ) мораше да ја брани одлуката да се патува со авион во далечина од 240 километри од Штутгарт до Базел за мечот со Швајцарија, откако лутите навивачи посочија на еколошкото влијание на нивната одлука.
Германија прво одигра 1:1 со Шпанија во Штутгарт, примајќи гол во последните секунди од мечот, пред на гостувањето во неделата во Швајцарија да го повтори резултатот. По ова следуваа многу критики за тоа што се летало на толку мала далечина, наместо да се патува со автобус или воз, посебно откако федерацијата во 2019 направи план за еколошкото влијание на фудбалот.
„Можеме да ги сфатиме критиките и дискусијата како можност да се подобри нашето планирање. Бевме фокусирани на хигиенската заштита и отпималните услови за физичкото опоравување на фудбалерите. Летот со кратко траење беше подобар избор од три и пол часа со автобус“, вели директорот на тимот, легендарниот Оливер Бирхоф.