Откако порталот „Сити Хералд“ на почетокот на октомври објави дека Гордон Бенкс починал, легендарниот голман на Англија, мора да објаснува дека е е жив. Бенкс в петок во Москва ќе биде дел од церемонијата на извлекувањето на групите за Светското првенство, а во пресрет на ждрепката тој проговорил и за таа дезинформација.
Gordon is alive & well The nasty rumour online is upsetting for the family HE IS AT HOME AND FINE rt please @GaryLineker @WayneRooney #banks pic.twitter.com/VmcIuGK6fb
— Gordon Banks OBE (@thegordonbanks) October 4, 2017
Бенкс е англиска легенда од Светското првенство во 19966 година, кога „Гордиот Албион“ на домашен терен ја освои својата единствена титула. Легендарниот голман сè уште мора да објаснува дека е жив откако „Сити Хералд“ го прогласи за мртов.
„Сити Хералд“ во октомври објави дека Гордон Бенкс починал во својот дом во Шефилд, а порталот дури и тврдеше дека неговата сопруга Урсула ја потврдила тажната вест.
„Не можев да поверувам. Не ја видов, ниту слушнав информацијата, но некој ми се јави и ме праша како сум. Срамно е тоа што го направија. Мојот правнук тоа го слушна во училиште. Не можел да престане да плаче. Страшно, срамно. На крајот никој не се извини“, рекол Бенкс, кој објаснил дека поради ракот сè уште прима терапии, но се чувствувал добро.
Еден од најдобрите голмани во историјата на фудбалот морал да се огласи на „Твите“ за да им докаже на луѓето дека е жив, но првично ниту тоа не помогнало многу бидејќи неговото име се нашло меѓу имињата на фудбалерите кои починале оваа година на доделувањето на фудбалските Нортвест награди.