Канадската репрезентативка во скијање Мари-Мишел Ганон настрада на на официјалниот тренинг во спуст на патеката во Лејк Луис.
Ганон, која осум години се натпреварува во Светскиот куп, од оваа сезона реши да се натпреварува и во спуст, а со цел да ги зголеми своите шанси за освојување медал во комбинација на Зимските олимписки игри кои во февруари наредната година ќе се одржат во Јужна Кореја.
Marie-Michèle Gagnon se blesse à l’entraînement https://t.co/fmNQSmAtcD
— La Presse Sports (@LaPresse_Sports) November 30, 2017
На последниот тренинг во Лејк Луис нејзиното остварување било меѓу најдобрите, но во финишот на трката изгубила контрола и завршила во заштитната мрежа. Иако падот изгледа застрашувачки, Ганон завршила само со повреда на рамото.
Слична повреда Ганон доживеала и во 2014 година кога мора да замине на операција.
Сè уште нема информации дали Канаѓанката ќе може да настапи на Зимските олимписки игри.