Герет Саутгејт (53) пред три дена поднесе оставка од селекторската функција на Англија. Англија во финалето на ЕП беше поразена од Шпанија со 2:1. Саутгејт со Англија доживеа пораз во и претходно финале на ЕП, во 2021 загуби од Италија на пенали.
Според пишувањата на медиумите од Англија, главен кандидат за клупата е Греам Потер (49). Се споменуваат и Еди Хау (46), Маурисио Покетино (52) и Ли Карсли (50).
Потер е без работа откако беше отпуштен по само седум месеци од Челзи во април 2023. Го предводеше Челси на 31 натпревар, забележа 12 победи, осум нерешени и 11 порази.
Откако Челзи го отпушти Потер, тројца тренери веќе се сменија на клупата. Најпрвин Френк Лампард (46) накратко го предводеше тимот, а Маурисио Покетино (52) беше на клупата цела минатата сезона. Аргентинецот доби отказ на крајот од сезоната, а тимот го презеде италијанскиот тренер Енцо Мареска (44). И покрај тоа што веќе се сменија тројца тренери, Потер се уште го плаќа Челзи.
Англиските медиуми сега наведуваат дека Челзи навистина сака Потер да стане нов селектор на Англија, за да се ослободи од неговата плата. Имено, кога Потер доби отказ, клубот се обврза да му исплаќа плата во висина од 240 илјади евра неделно во следните 18 месеци. Тоа беше договор наместо Челзи наеднаш да му исплати отпремнина, а доколку Потер најде нова работа тогаш челси нема да има оврска да го плаќа.