Фудбалскиот репрезентативец на Хрватска, Јошко Гвардиол, го продолжи договорот со Манчестер Сити до летото 2031 година, објави англискиот клуб.
Гвардиол (24) пристигна во Манчестер Сити во 2023 година од Лајпциг.
Хрватскиот фудбалер одигра 122 натпревари за англискиот клуб и постигна 13 гола. Освои шест трофеи со клубот од Манчестер.
„Кога слушнав дека Сити ми понуди продолжување на договорот, веднаш знаев дека го сакам тоа. Навивачите на Сити беа одлични кон мене од првиот ден, а клубот обезбедува сè за играчите. Тоа е најдобриот клуб во светот. Во текот на овие три години, почувствував толку многу љубов и почит, за што сум многу благодарен. Имаме одлични играчи, тоа е тим од светска класа, кој е млад и полн со потенцијал. Уверен сум дека ќе постигнеме уште многу успеси во годините што доаѓаат“, рече Гвардиол.
На 23 август, играчите на Манчестер Сити ќе го пречекаат Борнмут во првото коло од Премиер лигата.
Foto/ Depositphotos