Манчестер сити се договорија за трансфер на хрватскиот тинејџер Анте Палаверса од Хајдук за 7 милиони фунти, добивајќи еден од најталентираните млади фудбалери од средниот ред.
Пеп Гвардиола и Сити го следеа капитенот на хрватската репрезентација до 19 години подолго време и во следните неколку дена ќе го официјализираат трансферот, јавува „Гардијан“, кој додава дека тој најверојатно ќе остане уште една сезона во Хајдук бидејќи има само 18 години.
Палаверса требаше да биде „столб“ на изградбата на новиот Хајдук, откако минатото лето влезе во првиот тим. Многумина ја споредуваат неговата игра со таа на Тони Крос од Реал Мадрид, а во Сити би бил потенцијална замена на 33-годишниот Фернандињо.
Manchester City to sign 18-year-old Ante Palaversa from Hajduk Split for £7m https://t.co/yNVAPZEnLV By @FabrizioRomano and @AlexHoliga
— Guardian sport (@guardian_sport) January 16, 2019